Onuň 0,35 kub metr göwrümli öňki kowşy ýarym tonna ýüki götermäge mümkinçilik berýär. Onuň yzky kowşunyň göwrümi bolsa 0,06 kub metre deň bolup, gazyjylygy 2,75 metrdir, iş7 alyp barýan beýikligi hem 3,47 metre deňdir. Kowşuň girijilik kuwwaty 1985 kgs bolup durýar. Hidromek ýükleýji ekskawatoryň kabinasy gorag ulgamy bilen üpjün edilen. Ol işi netijeli, amatly hem-de ýokary oňaýlylyk bilen ýerine ýetirmäge ýardam berýär. Ýükleýji ekskawatoryň hereketi we nowasynyň aýratynlyklary ýörite joýstigiň (dolandyryjy enjam) üstli bilen alnyp barylýar.

ZL50 tekerli ýükleýjisi XCMG kompaniýasynyň iň meşhur tehnikalarynyň hataryna girip, orta derejeli tehnika hasap edilýär. Hytaý hünärmenleri tarapyndan işlenip taýýarlanan ulagyň iş kuwwatlylygy 17,5 tonna barabardyr.

KOMATSU tekerli ýükleýjisi ýokary hilli aýratynlyklary we taraplary bolan ygtybarly awtotehnikadyr. Ol howpsuzlyk üçin yzky signallar bilen hem üpjün edilendir.

Tekerli Hidromek 200 ekskawatorynyň (2010ý.) agramy 21,8 tonna deňdir. Hidromek 200 ekskawatory iş ýerlerinde netijeli işlemäge ýardam edip, Türkiýede hem-de halkara çärelerinde baýraklara eýe bolýar. Iş alyp barmak üçin örän oňaýlydyr. Tehnikanyň gazyş çuňlugy 6 metre ýetýär.

Bu ekskawator ýeri ýokary derejede gazmaga ukyply tehnika eýedir. Heniz taýýar edilmedik ýerlere hem ýeňil hem-de bökdençsiz baryp bilýär. Islendik şertde we islendik mümkinçilikde hereket edip, ähli ýerde öwrülip bilýär, şeýle-de 360 ° aýlanyp, nowasyny dürli tarapa öwrüp bilýär.

VOLVO EC 210 BLC ekskawatory 5.7 litr göwrümli 6 silindrli turbolbaşdyrylan D6D EFE2 dizel hereketlendiriji bilen üpjün edilendir. VOLVO EC 210 BLC ekskawatory agram salnyşyna görä, sagatda 15-20 litr ýangyç ýakýar.

XCMGXS 1427 wibrotekizleýji şu hili häsiýetnama eýedir: uzynlygy - 5.93 metr, ini - 2,41 metr we beýikligi - 3,16 metrdir. Agramy 16 tonna deň bolup, öňündäki barabanyň basyjylygy 7700 kg, yzky bölegi bolsa - 8300 kg barabar. Öňki deprekdäki statiki çyzykly ýük her santimetre 362 kilogramdan ýetýär, şonuň üçin rolik çylşyrymly gysmagy ýa-da tekizlemegi tiz ýerine ýetirýär. XS162J tekizleýjisiniň adaty kysmy kuwwaty 115 kWt bolan Shanhai hereketlendirijisi bilen enjamlaşdyrylan. Hereketlendirijiniň oňat işlemegi netijesinde rolik sagatda 9,4 km tizlik bilen hereket edip bilýär we 30% gradient bilen eňňitlere çykyp biler. Onuň tegeleginiň ini 2179 millimetr, diametri 1523 millimetrdir. Onuň minimal klirensi 348 millimetre deň bolup, depregiň aýlanma burçy 11 gradusa deň bolýar.

D8R buldozeriniň işlenip taýýarlanylmagynda onuň esasy aýratynlygy berkligi bolup, aşa ýokary ýa-da pes temperatura ýaly çägeli çöllerde hem-de gaýaly ýerlerde işlemäge mümkinçilik berýär. Enjam ýokary öndürijilige eýe bolup, ony abatlamak we tehniki hyzmat bilen üpjün etmek ýeňildir. Onuň bilen iş meýdanynda yzygiderli iş alyp barmak örän amatlydyr.

«Caterpillar 325D» ekskawatory 190 at güýjüne deň bolan C6.4 ACERT hereketlendirijisi bilen enjamlaşdyrylandyr. Bu tehnika kysmy şu hili beýleki ulag kysymlaryndan has uly ýük gaby we ygtybarly gidrawlik ulgamy bilen tapawutlanýar. Ol çukurlary we beýleki ýerleri gazmak, topragy, owradylan daşlary, gumlary ýük awtoulaglaryna ýüklemek hem-de demirbeton konstruksiýalary abatlamak üçin amatlydyr.

Lw500fn modifikasiýasy adaty howa şertlerinde, şeýle-de çylşyrymly howa temperaturalarynda hem (gaty pes we ýokary temperaturalarda) kadaly iş alyp barýar. Ýükleýji islendik ýerde şol bir kuwwatynda hereket edýär, ygtybarly hem-de täsirli işleýär.

IM-320D kran-manipulýator gurnamasy bolan MAN TGS 33.430 tehnika ýük awtoulag traktory ähli ýollarda ýarym tirkeg bilen bilelikde awtoulagyň bir bölegi hökmünde işlemek, şeýle hem ýüklemek we düşürmek üçin niýetlenendir.

Awtoulag MAZV9 kysmy ýaly gidrawliki silindr bilen üpjün edilen platforma bilen enjamlaşdyrylyp, ol müşderiniň islegi boýunça ýyladyş enjamy bilen üpjün edilip bilner.