Türkmenistanda çagalar baglarynyň aşpezleriniň arasynda ilkinji gezek aşpezlik bäsleşigi geçirildi. Aşpezler ýakymly we çalt bişirmek boýunça bäsleşdiler. Iň gowy şepagat uýasy hem saýlandy.
Kimiň näme bişirmelidigini bije atmak bilen kesgitlediler. Aşpezler belli bir tagamy we nahar sanyny görkezýän petekleri çykardylar. Soňra hemmeler birinji we ikinji naharlary we kompot taýýarlamak üçin aşhana gitdiler. Bäsleşikde iň oňat aşpezler eminler topary tarapyndan saýlandy. Ýöne esasy tagam barlaýjylar çagalar boldy. Olar taýýarlanan her bir nahara mynasyp baha berdiler.
Bäsleşikde çagalaryň saglygyny berkitmäge, arassaçylyk ülňülerini saklamaga we çagalar baglarynda dogry iýmitlenmäge aýratyn üns berildi.
Bäsleşige çagalar baglarynyň lukmançylyk işgärleri gözegçilik etdiler. Çaga iýmitleri barada aýdylanda, nahar bişirilende sanitariýa we arassaçylyk kadalaryny berk berjaý edilmelidir. Şeýle-de bäsleşigiň çäklerinde şepagat uýalarynyň arasynda hem ýeňijiler saýlandy.
«Iň oňat şepagat uýasy» bäsleşiginde esasy baýraga Aşgabatdaky 12-nji çagalar bagynyň şepagat uýasy Zubeýda Kurambaewa eýe çyksa, Gökdepe etrabynyň 5-nji çagalar bagynyň aşpezi Altyn Jummiýewa «Iň gowy aşpez» diýen baýraga mynasyp boldy.
Iň oňat aşpezler we şepagat uýalary baýraklar bilen sylaglandy. Bu bäsleşik hünärmenleriň özara tejribe we bilim alyşmagyna kömek etdi.
