Hytaýda dünýäniň iň uly deňiz awtoulag daşaýjy gämisi suwa goýberildi

21.01.2025

Hytaýyň BYD awtoulag öndürijisi 17-nji ýanwarda sygymlylygy boýunça dünýä rekordyny goýan «BYD Shenzhen» atly awtoulag daşaýjy gämisini bilen tanyşdyrmak bilen, öz logistik mümkinçiliklerini giňeltdi. Täze rоlker gämisi bir wagtyň özünde 9200 awtoulagy daşamaga ukyplydyr – diýip, auto.ru saýty habar berýär. Gäminiň uzynlygy 219 metr, ini 37,7 metr we suwa batyş derejesi 9 metr. Gämi 18,5 uzel (34,3 km/sag.) barabar bolan aňrybaş tizlige ýetip bilýär. Işläp düzüjiler ekologiki häsiýetlerine aýratyn üns beripdirler: gämi duran wagtynda energiýa sarp edijiligini üpjün edýän innowasion BYD Box akkumulýator ulgamlary bilen enjamlaşdyrylandyr. Öz hususy ýük daşama flotuny döretmek Hytaýyň awtoulaglaryna ösen halkara isleginiň şertlerinde eksport amallaryny has-da amatlaşdyrmaga we logistik töwekgelçilikleri azaltmaga gönükdirilen hytaý awtoulag öndürijileriniň strategik çözgüdidir.