Dünýäniň energetika pudagynyň wekilleri «OGT 2024» üçin Aşgabatda jemlener

19.08.2024

2024-nji ýylyň 23 — 25-nji oktýabry aralygynda Aşgabatda geçiriljek «Türkmenistanyň nebit we gazy - 2024» 29-njy halkara maslahata we sergisine (OGT 2024) bellige almak dowam edýär. Halkara hyzmatdaşlygy ösdürmek we maýa goýum mümkinçiliklerini görkezmek bilen, bu çärä eýýäm 20 ýurtdan 100-den gowrak wekiliň gatnaşjakdygyny tassyklandy. «Türkmengaz», «Türkmennebit» Döwlet konsernleri we Türkmenistanyň Söwda-senagat edarasy tarapyndan guraljak «OGT 2024» energiýa pudagynyň durnukly ösüşi we Türkmenistanyň nebit-gaz pudagyna daşary ýurt maýa goýumlaryny çekmek boýunça sebitleýin gepleşikler üçin birinji derejeli platforma bolup hyzmat eder. «OGT 2024-iň» esasy maksatlary: • Sebitleýin hyzmatdaşlygy güýçlendirmek: «OGT 2024» maýa goýum mümkinçiliklerini giňeltmek, «Galkynyş» gaz käniniň indiki tapgyrlaryny öwrenmek, gaz ýataklaryndan önümçiligi optimallaşdyrmak we Hazar deňziniň türkmen bölegindäki deňiz bloklaryny ösdürmek boýunça ara alyp maslahatlaşmalary ýeňilleşdirmek. • Durnuklylyga ünsi jemlemek: Maslahatda uglewodorod baýlyklaryny ösdürmegiň daşky gurşaw taraplary, zyňyndylary azaltmak we gaýtadan dikeldilýän energiýa çeşmelerini ösdürmek maksat edinilýär. • Maýa goýumlary we innowasiýa: Sessiýalar dünýä energiýa bazaryndaky tendensiýalary, energiýa geçişi üçin harytlary we maýa goýum mümkinçiliklerini açmakda tehnologiki innowasiýalaryň hem-de adam kapitalynyň ähmiýetini öwrenýär. • Ýokary derejeli gatnaşyklar: Öňdebaryjy halkara energiýa kompaniýalarynyň ýolbaşçylaryna, halkara guramalary we maliýe institutlary ýaly köp sanly gatnaşyjalara garaşylýar. Adnoc, CNPC, Socar, Petronas, Baker Hughes, TotalEnergies, Shell, ExxonMobil, Siemens Energy LLP, LUKOIL, Gazprom, QazaqGaz, Tatneft we beýlekiler ýaly taraplaryň maslahata gatnaşýandygy tassyklandy. • Global hyzmatdaşlyk: «OGT 2024», şeýle hem BMG, UNECE, OSCEHHG, Global Gaz Merkezi, Aziýanyň Ösüş Banky, Fitch Ratings, Yslam Ösüş Banky ýaly abraýly halkara we maliýe guramalarynyň wekillerini kabul eder. • Parallel çäreler: «S&P Global Commodity Insightsiň» we Nebit inženerleri jemgyýetiniň (SPE) hünärmenleri maslahatdan öňki sessiýalarda gymmatly düşünjeleri paýlaşarlar. BMG ýaşlaryň nukdaýnazaryndan Durnukly ösüş maksatlary boýunça sessiýa guramak arkaly goşant goşar. «OGT 2024» üçin hasaba alyş 2024-nji ýylyň 13-nji oktýabryna çenli açykdyr. Guramaçylar hasaba alnan ähli gatnaşyjylara wiza goldawyny berýär. Has giňişleýin maglumat üçin çäräniň resmi web sahypasyna giriň: www.ogt-turkmenistan.com ýa-da info@ogt-turkmenistan.com. * «OGT 2024-iň» guramaçylyk topary tarapyndan berlen material esasynda taýýarlandy.