Şweýsariýada ýerleşýän logistika kompaniýasy Ortaýer deňzi ýük daşaýyş kompaniýasy «Mediterranean Shipping Company (MSC)» «Italo» ady bilen tanalýan italýan hususy ýokary tizlikli demirýol operatorynyň paýlarynyň ýarysyny satyn almak barada şertnama gol çekdi. Ozal bu paýnamalar Global Infrastruktura Partnerleri (GIP) maýa goýum toparyna degişlidi. Resmi habara görä, «MSC» «Italo-ny» GIP bilen bilelikde dolandyrmagy meýilleşdirýär, GIP, «Allianz» we beýleki maýadarlar paýnamalaryň takmynan 50%-ini saklarlar.
2018-nji ýylyň başynda, GIP kompaniýanyň ozalky başlygy we esaslandyryjysy Luka Kordero di Montezemolonyň eýeçiligindäki «Italo-nyň» 100%-ini, 1,98 milliard ýewro satyn alypdy. Şol ýylda GIP «Italo-nyň» 11,2% paýyny Ýewropanyň ätiýaçlandyryş topary «Allianz-a» satdy.
«Italo» 2006-njy ýylda «Ferrari NV-niň» öňki başlygy Luka Kordero di Montezemolo tarapyndan esaslandyryldy. Şeýle-de bolsa, Rim bilen Milany birleşdirýän ilkinji ýokary tizlikli ýol diňe 2012-nji ýylda işe girizildi. «Italo» häzirki wagtda 51 şäheri birleşdirýän we ýylda 20 milliondan gowrak ýolagçy gatnadýan ýokary tizlikli hyzmatlary hödürleýär.
