«CMA CGM» Saud Arabystanynyň «Folk Maritime» atly täze fider daşaýjysy bilen hyzmatdaşlyk etmek hakynda ylalaşandygyny yglan etdi. Hyzmatdaşlygyň bir bölegi hökmünde «CMA CGM» demirgazyk Gyzyl deňzindäki giňeldilen hyzmatlaryny hödürleýär.
Fransiýanyň logistika topary tarapyndan çap edilen beýanata görä, bilelikdäki kämilleşdirilen hyzmat Saud Arabystanyndaky Jidda portuny «NEOM», Müsür hem-de Sohna portlary, Iordaniýadaky «Akaba» we Saud Arabystanyndaky «Ýanbu» bilen birleşdirer.
Hyzmatyň hepdelik ýygylygy iki konteýner gämisiniň mümkinçilikleri bilen üpjün ediler. Hyzmat «JIN SHUN HE» gämisiniň 9-njy aprelde Jiddadan çykmagy bilen başlanýar.
«Folk Maritime» atly täze garaşsyz fider daşaýjysynyň döredilendigi barada «InfraNew» bir aý mundan öň habar beripdi. Kompaniýa «Hambug Suediň» ozalky başlygy Pol Hestbek ýolbaşçylyk edýär. «Folk Maritime» birbada iki hyzmaty işe girizdi. Şeýlelikde, «CMA CGM» Saud Arabystanyndaky Jidda, Neom we Ýanbu bilen Müsüriň Sohna portuny birleşdirýän ilkinji hepdelik hyzmatlara goşuldy. Täzelenen aýlaw ulgamy aprel aýyndan Iordaniýadaky porty hem öz içine alar. «Folk Maritime» tarapyndan hödürlenýän ikinji hyzmat Sadowskiý portlaryny Sudan bilen iki hepdede bir gezek birleşdirýär.
