«Dongfeng» kompaniýasy «eπ 007» elektrik liftbeginiň bahasyny mälim etdi. Şeýlelikde, onuň bahasy 22 200-den 27 800 dollara çenli bolar.
«eπ» — «Dongfeng» kompaniýasynyň diňe elektrik ulag serişdeleriniň önümçiligine ýöriteleşen brendi. Ol «Dongfeng» kompaniýasyna 2024-nji ýylda önümlerini 100% elektrikleşdirmegi gazanmaga kömek eder. «Dongfeng» tarapyndan hödürlenen maglumatda «e» belliginiň elektron diýmegi aňladýandygy, «π» nyşanynyň bolsa näbelli zatlary öwrenmek isleýän adamlaryň ylmy ruhuny görkezýändigi habar berilýär.
Arassa elektrik göteriji hökmünde ornuny tapan «Dongfeng eπ 007-niň» ölçegi 4880 x1895x1460 mm, tigir binýady bolsa 2915 mm barabardyr. Üçegiň aşaky bölegi gapdaldan awtoulagyň arka tarapyna egrelýär we bu nusgada çarçuwasyz ýokary tarapa açylýan gapylar, gizlin gapy tutawaçlary, gara reňkli gapdal bölekleri hem-de bäş sütünli tigirler utgaşdyrylýar. Täze awtoulagyň birnäçe tigir görnüşli we goşmaça enjamly nusgalary hödürlener.
«200 Pro» binýatlyk modeli elektrik generatory hökmünde hereket edýän we «PHEV-den» tapawutlylykda tigirlere birikdirilmedik içerki ýangyç hereketlendirijisi bolan gibriddir. «200 Pro» ulag serişdesi 28,39 kWt/sag batareýasy bilen üpjün edilendir, bu 200 kilometre çenli elektrik düzgüninde hereket edip bilýär. Awtoulag ýangyjynyň doly derejede doldurylan wagtynda 1200 km ýol geçip biler. Elektrik hereketlendirijisiniň iň ýokary kuwwaty 160 kWt bolup, 5 silindrli 1,5 litrlik içki ýangyç dwigateli bilen jübütlenendir.
Ulagyň iň gowy nusgasy onuň ähli tigirleri hereket edýän modeli bolup, marka kuwwatly elektrik hereketlendirijileriniň ikisi bilen enjamlaşdyrylandyr. Ol 3,9 sekuntda 100 km/sag tizlige ýetip bilýär we külterlejek menzilleriniň ätiýaçlygy 540 km. Çalt energiýa bermek bilen, batareýany 30 %-den 80 %-e çenli doldurmak üçin bary-ýogy 26 minut gerek.
Ulagyň salonynda 15,6 dýuýmlyk merkezi dolandyryş ekrany we 8,8 dýuýmlyk sürüjiniň gural paneli bar. Iki sütünli rulda we merkezi ekranyň aşagynda köp sanly fiziki düwmeler ornaşdyrylandyr. Kabinanyň operasiýa ulgamyna «SOA» diýilýär. Mundan başga-da, awtomobiliň «Qualcomm Snapdragon 8155» aýratynlygyna hem eýedigini bellemek gerek. «Dongfeng» «eπ 007» ulagynda lidar mümkinçiligini ornaşdyrmady, ýöne munuň 31 datçik bilen gelýändigini we awtoulagyň L2 awtopilotyny goldaýandygyny aýdýar.
