Türkmenistanyň Prezidenti Hindistanyň ýolbaşçylaryna gutlag iberdi

27.01.2025

Türkmenistanyň Prezidenti Serdar Berdimuhamedow Hindistan Respublikasynyň Prezidenti hanym Draupadi Murmua hem-de Premýer-ministri Narendra Modä Hindistanyň milli baýramy — Respublika güni mynasybetli mähirli gutlaglaryny we iň gowy arzuwlaryny iberdi. Bu barada «Watan» habarlar gepleşiginde habar berildi. Bellenilişi ýaly, türkmen döwletiniň Baştutany Türkmenistan bilen Hindistan Respublikasynyň arasyndaky yzygiderli pugtalanýan we kämilleşýän gatnaşyklaryň ýokary derejesini belläp, syýasy-ykdysady, medeni-ynsanperwer we beýleki ugurlar boýunça ýola goýlan netijeli we özara bähbitli hyzmatdaşlygyň iki halkyň bähbidine mundan beýläk-de ösdüriljekdigine ynam bildirdi. Prezident Serdar Berdimuhamedow ýakymly mümkinçilikden peýdalanyp, Prezident hanym Draupadi Murmua hem-de Premýer-ministr Narendra Modä tüýs ýürekden berk jan saglyk, bagtyýarlyk we abadançylyk, Hindistanyň halkyna bolsa parahatçylyk, öňegidişlik hem-de rowaçlyk arzuw etdi.