Ermenistanyň Premýer-ministri Türkmenistanyň Prezidentini täze ýyl bilen gutlady

02.01.2025

Ermenistan Respublikasynyň Premýer-ministri Nikol Paşinýandan Türkmenistanyň Prezidenti Serdar Berdimuhamedowyň adyna Täze ýyl mynasybetli gutlag haty gelip gowuşdy. Bu barada TDH habar berýär. Iberen gutlag hatynda Ermenistan Respublikasynyň Premýer-ministri Türkmenistanyň Prezidentine ýüzlenmek bilen: "Sizi Täze ýyl bilen tüýs ýürekden gutlaýaryn. Ýetip gelen 2025-nji ýylyň Ermenistan Respublikasy bilen Türkmenistanyň arasynda özara bähbitli hyzmatdaşlygyň yzygiderli ösdürilmegine we çuňlaşdyrylmagyna gönükdirilen bilelikdäki tagallalaryň işjeňleşdirilmegine beslenjekdigine ynanýaryn, muňa tamamlanyp barýan ýylda ýokary derejede guralan çäreler täze itergi berdi. Pursatdan peýdalanyp, Size we ýakynlaryňyza berk jan saglyk, uly üstünlikler, Türkmenistanyň dostlukly halkyna bolsa abadançylyk we ösüş arzuw edýärin. Siziň Alyhezretiňiz, Size belent hormat goýýandygym baradaky ynandyrmalarymy kabul ediň!" diýip ýazýar.