Masud Pezeşkian Serdar Berdimuhamedowa Täze ýyl gutlagyny iberdi

02.01.2025

Eýran Yslam Respublikasynyň Prezidenti Masud Pezeşkiandan Türkmenistanyň Prezidenti Serdar Berdimuhamedowyň adyna Täze ýyl mynasybetli gutlag haty gelip gowuşdy. Bu barada TDH habar berýär. Goňşy ýurduň Prezidenti iberen gutlag hatynda Türkmenistanyň Prezidentine ýüzlenmek bilen: "Siziň Alyhezretiňizi we dostlukly hem-de doganlyk Türkmenistanyň halkyny Täze ýyl bilen gutlaýaryn. Täze, 2025-nji ýylda dünýäde parahatçylygyň we asudalygyň pugtalanmagynyň şaýady boljakdygymyza ynanýaryn. Siziň Alyhezretiňize berk jan saglyk we üstünlikleri, Türkmenistanyň halkyna bolsa bagtyýarlyk, abadançylyk arzuw edýärin" diýip belleýär.