Özbegistan we Türkmenistan aeronawigasiýa hyzmatlary babatynda hyzmatdaşlygy ösdürerler

19.10.2024

Özbegistanyň “Uzaeronawigasiýa” döwlet kärhanasynyň we Türkmenistanyň aeronawigasiýa gullugynyň wekilleriniň uzak möhletleýin we netijeli hyzmatdaşlygy ösdürmäge gönükdirilen duşuşygy boldy. Duşuşykda iki tarapyň wekiliýetleri aeronawigasiýa howpsuzlygy, howa gatnawyny optimizirlemek we howa hereketini dolandyrmakda häzirki zaman tehnologiýalary ornaşdyrmak bilen baglanyşykly meseleleri ara alyp maslahatlaşdylar. Şeýle hem, duşuşykda esasy meseleleriň biri hökmünde Özbegistan bilen Türkmenistanyň arasyndaky howa gatnawyny mundan beýläk optimizirlemek we iki ýurduň howa giňişliginiň geçirijilik ukybyny ýokarlandyrmaga mümkinçilik berýän täze howa ugurlaryny açmak mümkinçilikleri ara alnyp maslahatlaşyldy. Bu duşuşyk strategiki hyzmatdaşlygy pugtalandyrmakda we howa hereketini dolandyrmak boýunça öňdebaryjy tejribäni alyşmakda möhüm ädim boldy.